Presidenti I Serbisë, Aleksandër Vuçiç, ka kërkuar nga Albin Kurtit tërheqjen e Policisë së Kosovës nga veriu I vendit, ku ajo po vijon kontrollet për zbulimin e të tjerë të përfshirëve në sulmin terrorist, apo dhe të bazave të armatimeve serbe. Thirrja e Vuçiç vjen , pasi mësohet se autoritetet e sigurisë në Kosovës konfirmojnë se është rritur prania e njësive speciale të Policisë në pjesën veriore. Ndërkohë gjatë takimit me ministrin e Jashtëm të Danimarkës, Lars Rasmussen, në Beograd më 28 shtator i bëri thirrje komunitetit ndërkombëtar që të ndërmarrë të gjitha masat për të parandaluar “lëvizjet e rrezikshme dhe të papërgjegjshme të Prishtinës” dhe “të mbrojnë popullatën serbe”. Sipas presidentit serb, situate e krijuar në Kosovë është më e rrezikshmja deri më tani, duke theksuar se 24 shtatori ka treguar se qëllimi I prishtinës është të parandalojë marrëveshjet me Beogradin. Nga ana tjetër Vuçiç shprehet se shteti i tij “është i gatshëm të punojë në vazhdimin e dialogut e ndërmjetësuar nga Bashkimi Evropian”.