Pas një jave tensionesh dhe konflikti, veriu i Kosovës ka nisur të qetësohet dhe rehatohet. Por qetësia pas stuhisë po vjen duke i rikthyer në skenë temat dhe marrëveshjet e vjetra. Me konkretisht, përsëri po theksohet rëndësia e themelimit të Asocoacionit të komunave me shumicë serbe, si pika me e nxehtë e të gjitha marrëveshjeve tjera të dialogut ndërmjet Kosovës dhe Serbisë të lehtësuar nga Brukseli. Si pritet të de-eskalohet situata në veri? I dërguari special i Bashkimit Evropian për dialogun Kosovë-Serbi, Miroslav Lajçak, dhe emisari i posaçëm i SHBA-së për Ballkanin Perëndimor, Gabriel Escobar, javën e ardhshme do ta vizitojnë Kosovën dhe Serbinë. Vizita e tyre do t'i ketë dy qëllime kryesore: uljen e tensioneve në veri të Kosovës dhe vazhdimin e punës për zbatimin e Marrëveshjes që çon drejt normalizimit të marrëdhënieve mes Kosovës dhe Serbisë. Kryemnistri Kurti dje në oret e vona, kishte një telefonatë me Jon Finer, zëvendëskëshilltarin për Siguri Kombëtare të Shteteve të Bashkuara të Amerikës. Ai ndër tjera ka thënë se duhet themeluar Asociacioni i komunave me shumicë serbe. “Disa nga elementët më të rëndësishëm të de-përshkallëzimit: Policia speciale e Kosovës tërhiqet/Serbia ndërmerr hapa të vërtetë për t’i dhënë fund protestave. Zgjedhjet e reja të caktohen. Qasja në ndërtesat komunale e kufizuar për nëpunësit civilë. Marrëveshjet e mëparshme Serbi/Kosovë të respektohen, përfshirë Asociacionin”, ka shkruar ai. Përfaqësuesi i Lartë i Bashkimit Evropian për Politikë të Jashtme dhe Siguri, Joseph Borell, ka thënë se Bashkimi Evropian ka tri kërkesa të qarta të cilat duhet të përmbushen. Ndër kërkesat ka renditur themelimin e Asociacionit. “Dështimi për të formuar Asociacionin, do të ketë pasoja serioze për marrëdhëniet tona”, ka thënë Josep Borelll.