Kryeministri Albin Kurti zhvilloi të mërkurën një takim me presidentin e Francës, Emanuel Macron. Kurti tha se në këtë takim kanë biseduar për dialogun me Serbinë, liberalizimin e vizave dhe për avancimin e bashkëpunimit ndërmjet dy vendeve në fusha të ndryshme. Ai tha se nga presidenti Macron nuk ka marrë ndonjë premtim për liberalizimin e vizave, por shtoi se Kosova duhet të fokusohet në luftimin e krimit dhe korrupsionit. “Sigurisht që qytetarët e Republikës së Kosovës janë të interesuar për liberalizimin e vizave dhe është e padrejtë që Kosova pas plotësimit të të gjitha kritereve ende nuk e ka të hequr regjimin e vizave. Më 18 korrik të këtij viti bëhen tri vjet që kur Komisioni Evropian ka thënë që Kosovës duhet t’i hiqet regjimi i vizave. Në vizitën tonë kjo çështje është trajtuar.