Të hënën nis punimet forumi ekonomik botëror që mbahet në davos të Zvicrës, që do të zgjasë deri më 19 janar. E sic kanë shkruar mediat kosovare, në këtë samit do të marrin pjesë edhe kryeministri i kosovës Albin Kurti dhe presidenti Serb, Aleksandër Vucic. Në fakt, lajmin e ka konfirmuar ambasadori i gjermanisë në Kosovë, Jorn Rohde, i cili ka thënë se ndjehet i gëzuar që pjesëmarrës në këtë forum do të jenë edhe Kurti dhe Vucic. “Javën e ardhshme, në Davos do të nisë Forumi Ekonomik Botëror. Me të gjitha temat kryesore të rëndësishme, ‘Arritja e sigurisë dhe bashkëpunimit në një botë të thyer’ rezonon veçanërisht për Kosovën, dialogun Kosovë – Serbi dhe të gjithë rajonin e Ballkani Perëndimor. Gëzohem që do t’i shoh të dy, Albin Kurtin dhe Aleksandar Vuçicin në këtë forum”, shkroi Rohde në mediat sociale. Nuk dihet nëse do të ketë një takim mes kryeministrit të Kosovës Albin Kurti, dhe presidentit serb, Aleksandar Vuçic, pavarësisht se të dy ata kanë evituar përballjen me njëri tjetrin edhe kur janë thirrur në Bruksel në kuadër të bisedimeve për normalizimin e marrëdhënieve. Më shumë se 60 liderë të botës do të bëhen bashkë me qindra ekzekutivë biznesi dhe aktivistë në resortin zviceran të skive, në davos, të hënën, për një takim pesë ditor të përvitshëm, të forumit ekonomik botëror ku ata do të diskutojnë disa prej sfidave më të mëdha me të cilat përballet bota. Kritikët sidoqoftë thonë se samiti është një takim i super-të pasurve dhe se ai dështon të adresojë pabarazinë globale në rritje.