Leku po ruan pozita të forta në kursin e këmbimit valutor edhe në javët e para të vitit 2024. Sipas kursit zyrtar të këmbimit të Bankës së Shqipërisë, Euro u këmbye të mërkurën me 104.11 lekë, në rënie për të tretë ditë radhazi nga nivelet që mbylli javën e kaluar. Kursi i monedhës europiane shënoi një rritje të shkurtër në ditët e para të këtij viti, duke arritur deri në nivelin e 104.71 lekëve, por kjo rritje nuk ka zgjatur shumë. Kursi është sërish në rënie dhe Euro po zbret përsëri afër niveleve ku mbylli vitin 2023.