Krerët e qeverive dhe shteteve nga e gjithë bota u takuan sërish në sheshin e Shën Pjetrit në Romë për ceremoninë e kurorëzimit të kreut të kishës katolike, Papës Leo XIV. Sytë e botës u kthyen nga Vatikani të dielën me sheshin e shën pjetrit që u mbush me mbi 100 mijë njerëz nga e gjithë bota, për të ndjekur nga afër kurorëzimin e Papa Leonit XIV. Tribuna u mbush me mbi 200 delegacione nga bota me personalitete nga politika, përfaqësues të kishës dhe monarkë nga e gjithë bota. Mesha ceremoniale zgjati rreth 2 orë në një qytet nën masa të rrepta sigurie. Roma angazhoi mbi 6000 forca sigurie për ceremoninë, shoqëruar me zona të bllokuara dhe ndalim-fluturimi dhe lundrimi në lumin Tiber. Me pranimin e zgjedhjes dhe shpalljen emrit të tij si papë, Leoni XIV është peshkop i Romës dhe si rrjedhojë kreu i Kishës Katolike. Inaugurimi zyrtar si Papë bëhet disa ditë pas zgjedhjeve, në këtë rast dhjetë ditë më vonë. Në inaugurim Leoni XIV merr simbolet dhe kremton një meshë me kardinalët në sheshin e Shën Pjetrit.