Partia e Punëtorëve të Kurdistanit ka marrë përgjegjësinë për sulmin terrorist në Turqi. “Një akt sakrifice u krye kundër Ministrisë së Brendshme turke nga një grup i lidhur me Brigadën e të Pavdekshmëve ,” tha grupi i armatosur për median e lidhur me kurdët ANF . Partia e Punëtorëve e Kurdistanit është klasifikuar si organizatë terroriste nga Turqia dhe shumë vende perëndimore. Shpërthimi ndodhi pranë parlamentit turk, i cili më pas do të fillonte mbledhjet për mandatin e ri parlamentar. Ministria e Brendshme e Turqisë thotë se shpërthimi ishte një “sulm terrorist”. Dy ishin kamikazët, njëri prej të cili arriti ta hidhte veten në erë përpara ambjenteve të Ministrisë së Brendshme ndërsa tjetri u neutralizua në kohë. Siç raportojnë mediat turke në zonë u gjetën shumë pako dhe çanta të dyshimta të cilat u shpërthyen në mënyrë të kontrolluar. Autoritetet turke rrethuan zonën dhe kanë rritur sigurinë si në Ministrinë e Brendshme ashtu edhe për parlamentin.