Rritja e çmimeve në treg është reflektuar drejtpërdrejt edhe tek kurbanët këtë vit, duke e çuar çmimin e therjes së një kurbani në Kosovë deri në 400 euro. Fermerët thonë për Kosovapress se shtrenjtimi i ushqimit për kafshët ka rritur ndjeshëm koston e mbajtjes së bagëtive. Çmimi i kurbanit fillon prej 220€ deri në 400€ “Sivjet për momentin kurbani është nga 220 euro deri në 400 euro në fermën tonë, ku në çmim përfshihet edhe therja e kurbanit. Sivjet, ndoshta kisha me thanë ka pak një ngritje të vogël, mirëpo jo edhe shumë në krahasim me vitin e kaluar. Tu e marrë parasysh se tash edhe ushqimet ose produktet bazë të delet janë shtrenjtua, duhet që edhe na me shtrenjtua kurbanin. Për shembull sivjet u shkua deri 5 euro një dëng i sanës, vitin e kaluar ka qenë një euro e gjysmë deri dy euro. Ngritja e çmimit drithnave, po ashtu edhe këtë tu e marrë parasysh se gjithçka u shtrenjtua” Fermerët theksojnë se cmimet ndryshojnë në varësi të llojit të kurbanit.