Votimet nuk kanë përfunduar ende për Partinë Socialiste. Data 12 qershor, e cila përkon edhe me 30 vjetorin e krijimit të kësaj force politike premton ndryshime të qënësishme në të gjitha strukturat kapilare dhe përbërjen e Partisë Socialiste. Kongresi i jashtëzakonshëm do të vulosë edhe dy strukturat bazë, vendmimmarëse të Partisë Socialiste të cilat janë Asambleja Kombëtare dhe Kryesia. Votimet partiake për anëtarët e Asamblesë kombëtare zhvillohen në rang qarku. Anëtarët e zgjedhur të asamblesë së Partisë Socialiste bëhen pjesë edhe e Kryesisë. Rama ka paralajmëruar të gjithë anëtarët që nuk përmbushën objektivat me vota preferenciale tua lenë vendin anëtarëve të rinj. Janë disa deputetë, pjesë të kryesisë të cilët si pasojë e numrit të ulët të votave preferenciale nuk fituan mandat deputeti dhe për pasojë janë në territor rreziku në rradhët e socialistëve. Ditmir Bushati, Vasilika Hysi e Mimi Kodheli rrezikojnë t’i largohen kryesisë së kësaj partie. Ndërkohë Pandeli Majko edhe pse nuk mori vota preferenciale të mjaftueshme për të thyer herësin, qëndron në një pozicion më të favorshëm. Majko gëzon statusin ex-offiçio në Partinë Sociliste, kjo pasi ka pasur mandat kryeministri. Sipas statutit të socialistëve ky status e bën Majko direkt pjesë të Asamblesë dhe Kryesisë së Partisë Socialiste. Ndryshime pritet të ketë edhe në sekretariat. Momentalisht sekretar i përgjithshëm është Taulant Balla, njëherazi edhe deputeti më i votuar i partisë socialiste, madje më i votuar edhe se vetë kryeministri Rama. Nga sekretariati në risk është sekretari për koordinimin e këshillave të rajoneve, Ilir Beqaj i cili nuk e përmbushi objektivin e socilaistëve në Shkodër.