Policia e Kosovës ka parandaluar një rast të kontrabandimit të deleve dhe qingjave vetëm disa orë para festës së Kurban Bajramit. Aksioni është realizuar nga Drejtoria Rajonale e Policisë Kufitare – Lindje në fshatin Dumnicë, në kuadër të luftimit të aktiviteteve të kundërligjshme ndërkufitare. Sipas njoftimit zyrtar, njësitë policore kanë ndalur dy automjete me targa të Kosovës, ku gjatë kontrollit janë gjetur 27 dele dhe 4 qingja pa matrikula. Dyshohet se kafshët ishin kontrabanduar nga territori i Serbisë në Kosovë. Lidhur me rastin është arrestuar një i dyshuar, i cili pas marrjes në pyetje është liruar, ndërsa rasti është iniciuar për veprën “kontrabandim me mallra”. Automjetet dhe kafshët e sekuestruara janë dërguar në terminalin doganor për procedura të mëtejshme, njoftojnë autoritetet.