Top News/Kur u hap kufiri shqiptaro-shqiptar! 25 vite nga Beteja e Koshares, e përgjakshme e heroike

Beteja e Koshares më 9 prill 1999, në kuadër të operacionit “Shigjeta”, është një nga më të përgjakshmet dhe më heroiket e luftës së Ushtrisë Çlirimtare të Kosovës. Thyerja e kufirit mes Kosovës dhe Shqipërisë shënoi jo vetëm një fitore morale për UÇK-në, por ajo i hapi rrugë edhe furnizimit me armë dhe mbështetje logjistike për shumë zona të luftës në brendësi të Kosovës. Përpjekjet për të arritur një marrëveshje që forcat serbe të tërhiqeshin nga territori i Kosovës, kishin rezultuar pa sukses. Ndërkohë, pas Rambujesë ishte formuar Qeveria e Përkohshme e Kosovës dhe shënjestrat ushtarake dhe paramilitare serbe ishin sulmuar nga NATO.