Princi i Uellsit ka në plan që ti japë njerëzve më shumë akses në pallatet mbretërore kur ai të bëhet mbret. Carlsi do që Pallati Buckingham, Clarence House, kështjella Uindsor, Sandringhami dhe Balmorali, të shndërrohen nga hapësira private në hapësira publike. Sunday Times, thotë se trashëgimtari i fronit do që këto rezidenca mbretërore të hapen për periudha më të gjata të vitit. Carlsi po bisedon me dukeshën e Kornuellit, dukën dhe dukeshën e Kembrixhit dhe mbretërorë të tjerë për planet. Gazeta tha se Carlsi po merr në konsideratë hapjen e pallatit Buckingham dhe kopshteve gjatë gjithë vitit kur ai të jetë mbret, përfshirë edhe kohën kur vetë ai është në rezidencë. Në prill, kërkesa e lartë për bileta për të bërë piknik në lëndinat e pallatit të Buckinghamit dhe kopështet e tij, detyroi trustin mbretëror të ndalojë përkohësisht prenotimet e reja. Ndërsa hapja tradicionale verore e dhomave shtetërore të pallatit të Buckinghamit dhe ekspozitave tematike, që zakonisht presin me mijëra vizitorë, është anuluar për të dytin vit radhazi për shkak të pandemisë. Por, turet pa guida nëpër kopshte do të lejohen tani nga korriku në shtator, për ti dhënë publikut mundësinë të admirojë kopështet private të mbretëreshës, me sipërfaqe 16 hektarë dhe për të zbuluar oazet e mrekullueshme në zemër të londrës.