Top News – Kur kandidati nuk voton as për veten! Ligji përjashtoi Rrahim Spahiun dhe Indrit Sefën

Ndryshimet në Kodin Zgjedhor, që u zbatua për herë të parë në zgjedhjet parlamentare të 25 prillit të vitit të kaluar nuk përjashtuan nenin që bënte fjalë për të drejtën e kandidimit të atyre që nuk ishin banues në zonën e zgjedhjeve lokale të pjesshme apo të përgjithshme. Por, në nenin përkatës, shkruhet e zeza mbi të bardhë, se çdo kandidat duhet të transferojë vendbanimin e tij në zonën e kandidimit, për të pasur në këtë mënyrë edhe të drejtën e votës. Por jo të gjithë kandidatët që garojnë për kryetar bashkie në këto zgjedhje të pjesshme vendore kanë patur mundësinë të votojnë këtë të dielë. Bëhet fjalë për dy prej tyre, kandidatin e Partisë Demokratike në Lushnjë, Indrit Sefa dhe kandidatin e Partisë Socialiste në Dibër, Rrahim Spahiu.