Me vetëm pak fjalë dhe me një propagandë ushtarake të prodhuar me mjeshtëri, kryekomandanti i forcave të armatosura të Ukrainës ka ndezur spekulimet se kundërofensiva e shumëpritur e Kievit, kundër forcave pushtuese ruse, mund të jetë shumë e afërt. “Ka ardhur koha të rimarrim atë që është e jona”, tha gjenerali Valeri Zaluzhni. Në një video një minutëshe, shihen trupat ukrainase teksa marshojnë, trajnohen dhe në dukje, përgatiten për betejë. Disa shihen teksa përdorin tanke gjermane dhe artileri amerikane, llojin e armatimeve që Kievi do të përdorë në një operacion të mundshëm për dëbimin e forcave ruse nga territori Ukrainas.