“Nga lindi nevoja për një Kod të ri penal? Kush e kërkoi ndryshimin e Kodit Penal?!” Kryeprokurori Olsion Çela shfaqi rezerva për nismën e ministrisë së drejtësisë për disa ndryshime në kod penal. Gjatë raportimit të punës një vjeçare të prokurorisë së përgjithshme në komisionin e ligjeve, Çela u shpreh se nuk janë shfaqur problematika apo shqetësime me kodin aktual. “Kush e ka hedhur idenë që ky Kod nuk po i përgjigjet më nevojave të Kohës? Dhe unë derisa sa doli ideja e kodit të ri penal nuk kisha dëgjuar shqetësime që ky kod që kemi është i pa zbatuehsëm, është i pa plotë. Unë sot nuk kam asnjë lloj burimi informacioni dhe nuk e di nëse ju e e keni nëse kodi aktual penal po krijon probleme serioze në administrimin e shtetit, në administrimin e drejtësisë, në administrimin e jetës shoqërinë. Nëse ne nuk kemi ne këtë të dhënë, do të bëjmë kod nga asgjëja” Në optikën e kryeprokurorit Çela sistemi i vlerësimit të prokurorëve ka dështuar, ndaj nevojitet një rishikim ligjor.