Një zëdhënëse e forcave të armatosura të Ukrainës, Natalia Gumenyuk, thotë se sulmi mbi depozitat e naftës në sevastopol, kryeqendrën e krimesë së aneksuar nga rusia, është pjesë e përgatitjeve të ushtrisë ukrainase për një kundërofensivën e madhe të pranverës. Gumenyuk tha se fakti që logjistika e armikut është e dëmtuar, tregon se ofensiva është vënë në lëvizje dhe ky sukm përbën vetëm një nga elementët e përgatitjes për sulmin e madh për të cilin flitet prej muajsh. Sipas saj, pas zjarrit në depozitat e naftës, që coi në humbjen e mbi 40 tonëve karburant, ushtria ruse është përfshirë nga ankthi dhe ka madje edhe raporte se komandantët rusë po përpiqen të evakuojnë familjet e tyre dhe, nëse është e mundur, të largohen vetë nga Krimea”. Natën e 29 prillit, një zjarr i madh shpërtheu në një depozitë nafte në Sevastopol. Guvernatori i qytetit, Mikhail Razvozhayev, tha se kjo ndodhi për shkak të një sulmi me dron. Si pasojë e incidentit nuk pati persona të lënduar. Sipas shërbimeve të inteligjencës ukrainase, zjarri shkatërroi më shumë se dhjetë cisterna gjigande me derivate nafte, të cilat ishin të destinuara për Flotën e Detit të Zi të Rusisë.