Ministrja e Arsimit, Mirela Kumbaro e cilëson buxhetin e vitit 2026 më të lartin në historinë e vendit, por për demorkatët panorama është krejtësisht ndryshe. Pas shpalosjes së projekteve në arsim, në komisionin e edukimit, deputeti Luçiano Boçi u shpreh se paratë e dedikuara për arsimin janë shumë larg objektivit prej 5 për qind të Bashkimit Europian. “Projektbuxheti i vitit 2026 për Ministrinë e Arsimit është planifikuar në shumën 64 miliardë e 865 milionë lekë ose 648,6 milionë euro, me një shtesë prej 2 miliardë e 845 milionë lekë (28,4 milionë euro) ndaj buxhetit fillestar të vitit 2025, ose një rritje prej 4,6% më shumë se buxheti fillestar i vitit 2025. Ky është buxheti më i lartë historik nominal për arsimin. Por është e rëndësishme të themi se Sektori i Arsimit mbështetet edhe nga aktorë të tjerë, duke e rritur ndjeshëm financimin real. Në total, këto fonde të injektuara së bashku me buxhetin e Ministrisë së Arsimit për vitin 2026 arrijnë vlerën rreth 90 miliardë lekë ose mbi 900 milionë euro, duke e rritur peshën e sektorit në: 10,1% të shpenzimeve publike ,”