Rënia e prodhimit të ullirit në mbarë botën, ka bërë që çmimi i vajit të prodhaur prej tij të rritet ndjeshëm dhe bashkë me të edhe rreziku i vjedhjes. Në Greqi është nrgitur alarmi nga kultivues të ndryshëm të ullirit, të cilët kanë denoncuar në polici vjedhjen e pemëve të shumta, teksa janë detyruar të marrin edhe masa. Kështu shumë kultivues po patrullojnë dy herë në ditë në ullishtet e tyre, ndërsa të tjerë kanë instaluar kamera dhe sinjale alarmi termikë, për t’i sinjalizuar në kohë, nëse shkojnë hajdutët. Policia greke thotë se denoncimet për vjedhje të ullinjve janë fenomen i rid he se po shtohen çdo ditë e më shumë. Nga ana tjetër, kultivues të ndryshëm thonë për mediat greke se vjedhjet ndodhin natën, me punëtorët që shkundin pemët e ullirit dhe largohen për t’i bërë vaj në fabrika të tjera larg zonave ku i kanë mbledhur.