Së shpejti kush do të mbjellë duhan në tokën e tij duhet të marrë leje dhe të ketë një kontratë paraprake me përpunues të licensuar. Këtë ndryshim thelbësor parashikon projektligji I ri I hartuar nga ministria e bujqësisë Në projektligj përcaktohet se para se fermeri të mbjellë farishtet, duhet të dorëzojë një kërkesë me shkrim pranë njësisë përgjegjëse për bujqësinë në rajon, AREB, per të gjitha ngastrat kadastrale të deklaruara për t’i mbjellë me duhan dhe ku duhet te pajiset me kartelën personale të konfirmuarpër të dhënat faktike. Po keshtu percaktohet rigorozisht se ndalohet mbjellja e duhanit në fushë para nënshkrimit të kontratës me grumbullues-përpunues të licencuar dhe/ose prodhues produktesh duhani, mbjellja do fillojë vetëm pasi të jetë nënshkruar kontrata me një grumbullues-përpunues të licencuar. Shkelja e kësaj kërkese të rëndësishme është konsideruar kundërvajtje. Po kështu është e ndaluar që kultivuesi I duhanit të lidhë kontratë paralele me një përpunues tjetër. Po kështu ligji detajon detyrimin e fermerit per t’u paisur me kartelë pesonale, si dhe kriteret që duhet të plotesojë fermeri për t’u paisur me të. Po ashtu parashikohen edhe një sërë detyrimesh të ndërsjellta të fermerit dhe grumbulluesit ndaj njëri-tjetrit dhe ndaj shtetit.