Komuniteti ndërkombëtar ka bërë thirrje për qetësi pas trazirave të fundit dhe sulmeve të ndërsjella izraelite dhe palestineze. SHBA, BE dhe Britania e Madhe u kanë kërkuar të dyja palëve të ulin gjakrat sa më shpejt të jetë e mundur. Dhuna u përshkallëzua ditën e hënë, kur militant palestinezë lëshuan raketa drejt Jeeruzalemit. Izraeli u kundërpërgjigj me sulme ajrore ndaj objektivave në Rripin e Gazës. Burimet palestineze në Gaza thanë se ka patur 22 viktima, nga të cilat 9 ishin fëmijë. Ushtria izraelite tha se mes viktimave, të paktën 15 ishin pjesëtarë të Hamas-it, që ka nën kotroll Gazën. Hamasi kishte kërcënuar se do të sulmonte, pas plagosjes së qindra palestinezëve gjatë përplasjes të hënën me policinë izraelite në një vend të shenjtë. Kryeministri izraelit Benjamin Netanjahu tha se Hamasi kishte “kaluar vijën e kuqe” dhe se Izraeli do të përjigjej “me dorë të hekurt”. Këto ditë kanë qenë më të dhunshmet e viteve të fundit. Përplasjet erdhën pasi kolonët izraelitë kërcënuan familjet palestineze ne Jeruzalemin lindor, se do t’I nxjerrin nga shteëpitë e tyre. Shoqata humanitare palestineze Gjysmëhëna e Kuqe, tha se mbi 700 palestinezë janë plagosur gjatë përplasjeve me forcat izraelite të sigurisë në Jeruzalem dhe në Bregun Perëndimor.