Rregullatori evropian i aviacionit këshilloi linjat ajrore që të kenë kujdes në hapësirën ajrore izraelite dhe iraniane, megjithëse tha se asnjë fluturim civil nuk ishte vënë në rrezik gjatë tensioneve të fundjavës si pasojë e sulmeve me dronë dhe raketa iraniane në Izrael. Agjencia Evropiane e Sigurisë së Aviacionit tha se ajo dhe Komisioni Evropian do të "vazhdojnë të monitorojnë nga afër situatën për të vlerësuar çdo rrezik të mundshëm të sigurisë për operatorët e avionëve të BE-së dhe se do të jenë të gatshëm të veprojnë sipas nevojës".