Shqiptarët janë të parët në rajon përsa i përket kërkesave për azil dhe të dytët në botë në raport me popullsinë. Ndonëse ka një nivel të lartë të kërkesës për azil duke se vendet e Europës hezitojnë që t’u japin shqiptarëve statusin e azilantit. Sipas të dhënave të publikuara nga Eurostat, vetëm 5% e aplikimeve nga azilantët shqiptarë marrin përgjigje pozitive. E njëjta përqindje është dhe për vendimet finale, apo ato të apeluara.Kjo shkallë e pranimit të aplikimeve është ndër më të ulëtat në Europë, së bashku me Gjeorgjinë dhe Kolumbinë. Ka disa arsye pse Shqipëria ndeshet me një lloj hezitimi në dhënien e statusit të azilantit. Vendi ynë synon të integrohet në Europë dhe nuk ka asnjë konflikt civil apo luftë që po zhvillohet në Shqipëri, si pasojë konsiderohet një vend I sigurt dhe I zhvilluar Franca rezulton të jetë vendi me numrin më të lartë të vendimeve pozitive të dhëna për miratim të statusit të azilantit. Nga 480 vendime pozitive që u dhanë për azilantët shqiptarë në 2020-n, 310 ishin në Francë dhe 120 në Itali. Gjermania ka dhënë vetëm 10 të tilla dhe Irlanda 15. Zvicra ka akorduar 10 të tilla. Një vit më parë në 2019-n, u morën 1050 vendime, 80% e të cilave nga Franca.