Kreu i Partisë Demokratike, Sali Berisha gjatë një konferencë për shtyp tha se mbështet kërkesën dhe propozimin e protestuesve për dorëheqjen e kryeministrit Rama dhe kufizimin në vetëm dy mandate të këtij posti, por rrugët ndahen te propozimi i krijimit të një asambleje me short dhe më pas një qeverie tranzitore me mandat 12-mujor. ‘Kufizimi i mandatit të kryeministrit në dy mandate. Partia Demokratike është plotësisht dakord. Ajo qeveri e përbërë nga jo partiakë, nga kreu tek ministrat e zëvendësat etj., ajo duhet të votohet nga parlamenti, të marrë votëbesimin dhe të çojë në zgjedhje vendin.’ Unë nuk di mekanizëm tjetër të instalimit të një qeverie brenda rendit kushtetues.’ Berisha po ashtu dënoi ashpër deklaratat e kryeministrit Rama lidhur me pjesëmarrjen e shqiptarëve nga Kosova dhe Maqedonia e Veriut në protestat masive në Tiranë, duke i cilësuar si antishqiptare dhe se etiketimi I tyre si pushtues vjen nga armiku më I egër I shqiptarë që urren kombin e tij.