Shtetet e Bashkuara po vlerësojnë një kërcënim të ri të mundshëm nga Kuba, pas raportimeve se Havana ka siguruar qindra dronë ushtarakë dhe po diskuton përdorimin e tyre kundër objektivave amerikane. Sipas një raporti të publikuar nga Axios, duke cituar burime të inteligjencës amerikane, Kuba dyshohet se ka në dispozicion më shumë se 300 dronë ushtarakë. Raporti pretendon se autoritetet kubane kanë nisur diskutimet për përdorimin e tyre në sulme të mundshme ndaj bazës amerikane në Guantanamo Bay, anijeve ushtarake të SHBA-ve dhe madje edhe ndaj zonës së Key Ëest në Florida, vetëm rreth 145 kilometra larg Havanës. Reuters shkruan duke iu referuar këtij njoftimi, se këto informacione të inteligjencës mund të përdoren si bazë për masa të mëtejshme ushtarake ose strategjike nga ana e SHBA-ve.