Partia Demokratike këmbëngul në kërkesën për hetimin e fondeve IPARD, nën dyshimet se paratë e dhëna nga Bashkimi Europian për fermerët shqiptarë kanë përfunduar në duart e pushtetarëve dhe të personave të lidhur me krimin e organizuar. SINK Por, nga fondet e IPARD II kanë përfituar edhe familjarë të eksponentëve të krimit të organizuar. Konkretisht Petrit Cela, babai i Suel Celës, ka përfituar 150 mijë euro për ndërtimin e tregut në Elbasan. Pikërisht, për këto arsye, në datën 3 Tetor 2025, Grupi Parlamentar i Partisë Demokratike ka kërkuar zhvillimin e një mocioni me debat dhe ngritjen e një Komisioni të Posacëm të Kuvendit të Shqipërisë lidhur me masat që duhet të marrë Kuvendi i Shqipërisë që të sigurohen mekanizmat e nevojshme që mbrojnë interesat financiare të BE-së nga abuzimi, paligjshmëria, korrupsioni, dhe që sjellin përfitimin e fondeve nga fermerët shqiptarë. Bardhi theksoi se çdo votë kundër një mocioni me debat për këtë çështje kundër ngritjes së Komisionit të Posaçëm, nuk është votë kundër PD, por kundër fermerit shqiptar, që privohet nga mbështetja e BE.