Lufta mes Rusisë e Ukrainës u shoqërua me disa pasoja të rënda për shtetin rus, një prej të cilave, bllokon qytetarët e këtij vendi të lëvizin në të gjithë botën, kjo pas sanksioneve të vendoura nga Perëndimi, pas sulmit të paprovokuar kundrejt Ukrainës. Tashmë me këto zhvillime të reja, sipas një hulumtimi të kompanisë Henley & Partners e cila bën vlerësimin e pasaportave më të forta në botë, dokumenti rus i identifikimit zë vendin e parë në listë, si një nga më të ndëshkuarat për të lëvizur në botë. Ky përfundim doli pas një monitorimi të vazhdueshëm të bërë nga kompania me bazë në Londër e cila e realizon këtë hulumtim që prej vitit 2006. Sipas raporti, ndëshkimi ndaj pasaportës ruse vjen si pasojë e sanksioneve të vendosura nga shumë vende, që prej datës 24 shkurt, ku Rusia sulmoi për herë të parë Ukrainën. Nga ana tjetër, Japonia dhe Singapori, vijojnë të zënë dy vendet e para për pasaportat më të fuqishme, ku qytetarët e këtyre dy shteteve kanë mundësi të lëvizin në 192 vende pa pasur nevojën e një vize. Pasaportën shqiptare kompania londineze e rendit në vendin e 51 me 114 destinacione, Kosova zë vendin e 77 në listë, ndërsa Serbia dhe Maqedonia e Veriut në vendin e 37 dhe 44.