Shtetet e Bashkuara nuk e dinë vendndodhjen e shefit të Ëagner, Yevgeny Prigozhin, i cili udhëhoqi një rebelim jetëshkurtër fundjavën e kaluar në Rusi dhe nuk është parë në publik për një javë. Prigozhin u pa për herë të fundit duke u larguar nga qyteti jugor rus i Rostov-on-Don të shtunën, pasi anuloi befas marshimin e trupave të tij në Moskë. “Ne nuk kemi qartësi se ku është zoti Prigozhin ose ku janë të gjithë luftëtarët e tij”, citohet të ketë thënë John Kirby, zëdhënës i Këshillit të Sigurisë Kombëtare të Shtëpisë së Bardhë. Sipas presidentit bjellorus, Aleksandër Lukashenko, shefi i Ëagner mbërriti në Bjellorusi të martën. Ndërsa nuk ka video apo foto që tregojnë Prigozhin atje, imazhet satelitore të një baze ajrore jashtë Minskut treguan dy aeroplanë të lidhur me Prigozhin që u ulën atje të martën në mëngjes. Ndërkohë, grupi mediatik Patriot, i cili është i lidhur me Prigozhin, njoftoi se po mbyllet. Dhe rregullatori rus i medias Roskomnadzor ka kufizuar qasjen në faqet e mediave që i përkasin grupit mediatik Patriot