Njëri nga tetë emigrantët që mbërritën nga Italia në kampin e Gjadrit mësohet se është kthyer mbrapsht. Gjatë kontrollit të ushtruar në qendrën e Shëngjinit, ai u konstatua se vuante nga probleme të shëndetit mendor. Sipas autoriteteve në kamp tani janë shtatë refugjatë pesë nga Bangladeshi dhe dy nga Egjipti. Ky është grupi I dytë që është dërguar në Shqipëri. Më herët u nisën nga Italia 12 emigrantë por ata u kthyen pas për shka ktë një vendimi të marë nga një gjykatë e Romës. Kjo detyroi qeverinë e Melonit të ndryshonte listën e vendeve të sigurta. Marrëveshja mes Italisë dhe Shqipërisë e nënshkruar nga kryeministrat Meloni-Rama lejon që deri në 3.000 emigrantë - që kapen nga roja bregdetare italiane në ujërat ndërkombëtare - të dërgohen në Shqipëri, ku do të vlerësohen për fitimin e azilit në Itali, apo kthimin mbrapsht në vendet e tyre. Grupet për të drejtat e njeriut dhe organizatat joqeveritare e kanë kritikuar këtë marrëveshje, duke e cilësuar si precedent të rrezikshëm që nuk është në përputhje me ligjin ndërkombëtar.