Autoritetet italiane kanë ekzekutuar këtë të shtunë një urdhër arresti ndaj një 50-vjeçari shqiptar, I shpallur në kërkim për disa vepra penale. Sipas medieve vendase, shqiptari rezulton I dënuar me më shumë se 12 vie burg. Mësohet se ai ishte rikthyer përsëri në shtetin italian, por atje duhet të vuajë një urdhër ekzekutimi të dënimeve të njëkohshme nga gjykata e Milanos për një total prej 12 vjet e gjysmë burgim, plus një gjobë mbi 17 mijë euro. Shqiptari u vu në pranga në aeroportin e Pizës, sapo zbriti nga avioni. Ka qenë policia kufitare ajo që ka pikasur shqiptarin, duke I vënë menjëherë pprangat gjatë kontrollit të pasaportë. Të njëjtat burime bëjnë me dije se shqiptari 50 vjeçar, identiteti I të cilit nuk bëhet I ditur, do të dërgohet në institucionet e vuajtjes së dënimit, ku do të duhet të qëndrojë për 12 vite e gjysmë. Ai akuzohet nga autoritetet fqinje për disa vepra penale, si përfshirje në grup criminal, rrëmbim apo shfrytëzim prostitucioni.