Sanksionet e plota të OKB-së kundër Iranit janë rikthyer në fuqi për herë të parë në një dekadë, pasi bisedimet e fundit bërthamore me fuqitë perëndimore dështuan të sjellin një përparim. Sanksionet, të cilat hynë në fuqi të shtunën vonë dhe tre muaj pasi Izraeli dhe SHBA-të bombarduan Iranin, ndalojnë marrëveshjet që lidhen me programin bërthamor dhe të raketave balistike të Teheranit dhe pritet gjithashtu të kenë efekte më të gjera në ekonominë e tij të trazuar. Diplomatët evropianë dhe amerikanë theksuan menjëherë pas rikthimit të sanksioneve se diplomacia nuk kishte mbaruar. Sekretari amerikan i shtetit, Marco Rubio, i kërkoi Teheranit të "pranojë bisedime të drejtpërdrejta, të zhvilluara në mirëbesim". Ai gjithashtu u bëri thirrje shteteve anëtare të OKB-së që të zbatojnë "menjëherë" sanksione për të "ushtruar presion mbi udhëheqësit e Iranit që të bëjnë atë që është e drejtë për vendion e tyre dhe që është më e mira për sigurinë e botës".