Trupat izraelite janë tërhequr nga Korridori Netzarim - një zonë ushtarake që shkëput veriun e Rripit të Gazës nga jugu. Qindra palestinezë në makina dhe karroca të ngarkuara me dyshekë dhe mallra të tjera filluan të kthehen pas. Tërheqja izraelite është në përputhje me marrëveshjen e armëpushimit Izrael-Hamas të 19 janarit, sipas së cilës deri më tani janë liruar 21 pengje izraelite dhe 566 të burgosur palestinezë. Deri në fund të fazës së parë të armëpushimit pas tre javësh, pritet të jenë liruar 33 pengje dhe 1900 të burgosur. Izraeli thotë se tetë nga 33 janë të vdekur. Hamasi kapi 251 pengje dhe vrau rreth 1200 njerëz kur sulmoi Izraelin më 7 tetor 2023, duke shkaktuar luftën në Gaza. Të paktën 47,500 palestinezë janë vrarë në ofensivën e Izraelit, sipas ministrisë së shëndetësisë të Hamasit të Gazës. Rreth dy të tretat e ndërtesave po ashtu janë dëmtuar ose shkatërruar nga sulmet e Izraelit, thotë OKB. Nga luftimet më shumë se 700,000 banorë të Gazës veriore u larguan në zonat jugore, kur ushtria izraelite lëshoi urdhra për evakuim masiv përpara se të fillonte një pushtim tokësor në territorin palestinez.