Nga muaji janar deri në fund të korrikut, 5.2 milionë shtetas të huaj dhe shqiptarë kanë hyrë në territorin tonë, treguan shifrat zyrtare të publikuara nga Instituti i Statistikave pak ditë më parë. Ndonëse shumica e turistëve kanë shprehur interes të lartë për të pushuar në bregdet, një pjesë tjetër preferuan të njiheshin me historinë e vendit, duke vizituar në këtë mënyrë, kalatë, parqet, muzetë etj. Të dhenat nga Ministria e Turizimit, të përpunuara nga Monitor, tregojnë një rritje me 67% të turistëve në këto institucione vetëm për muajin qershor, krahasuar me të njëjtën periudhë të nnjë viti më parë. Ndërsa 6 mujori i parë të këtij viti, shënoi rritje me 53 përqind të vizitorëve në këto intstitucione. Gjatë kësaj periudhë, Kalaja e Gjirokasrës, është vizituar nga 50.6 mijë vizitorë më shumë se dyfish në raport me të njëjtën periudhë të 2022.