Ndërkohë që tensionet mes Rusisë dhe Perëndimit përshkallëzohen dita-ditës, kërcënimet se Rusia mund të përdorë armët bërthamore janë bërë të përditshme në mediat ruse. Lideri i partisë nacionaliste ruse, Alexei Zuravlyov, prezent në një program televiziv tha se çfarë do të ndodhte nëse Moska do të përdorte armë bërthamore. Ky diskutim, i cili disa muaj më parë do konsiderohej jashtë vendit dhe kohës, u zhvillua pikërisht në televizionin shtetëror rus. Ai paralajmëroi se nëse Rusia do të përdore armë bërthamore kundër Mbretërisë së Bashkuar, atëherë kombi ishullor do të fshihej nga harta. Ajo që ka tronditur mediat perëndimore, është pyetja e shtruar nga televizioni shtetëror rus: për sa kohë mund të shkatërrohen Berlini, Londra dhe Parisi nga një sulm bërthamor nga Rusia? Madje, prezantuesit u treguan shikuesve një hartë që tregon se raketat e lëshuara nga Kaliningradi do të kaloni midis Polonisë, Lituanisë dhe Detit Baltik. Sipas simulimit, raketat mund të arrijnë në Berlin në 106 sekonda, Paris në 200 sekonda dhe Londër në 202 sekonda. Përllogaritjet u bënë live në emision, i cili është një nga programet televizive më të njohura të Rusisë. Zuravlov këmbënguli se kërcënimi bërthamor ishte mënyra e vetme që Rusia të arrije qëllimet e saj, ndërkohë që gazetarët shpjeguan se vendet e tjera kanë armë bërthamore dhe mund t'i përdorin. Pamjet: AFP