Polemikat kanë shpërthyer në finlandë pas përhapjes në mediat sociale të disa videove të një feste private në të cilën shihet kryeministrja sanna marin të tërbohet me kërcime dhe këngë, bashkë me disa personazhe të tjera publike. Marin, nën notat e muzikës, kërcen në shoqërinë e imazheve të njohura të elitës finlandeze. “Nuk kam përdorur drogë. Vetëm kam pirë pak alkool. Këto janë video private që nuk kanë si destinacion publikun”, është përgjigjia e kryeministres. Sipas të përditshmes Iltalehti, që ka publikuar e para lajmin, në video shfaqet edhe një fotografe dhe influencere Janita Autio dhe prezantuesit Tinni Uikstrom dhe Karoliina. “Duket se videot janë filmuar në një apartament privat”, shkruan e përditshmja. “Festat, që nuk përputhen me stilin tradicional të kryeministres, kanë tërhequr shumë vëmendje dhe kanë ndezur diskutimet në vend”, thuhet më tej. Ndërkohë në rrjetet sociale, ka nga ata që drejtojnë gishtin drejt hakerave rusë duke patur parasysh pozicionin e Marin kundër Moskës; kryeministrja ka qenë ndër të parët liderë në evropë që është shprehur pro ndalimit të turizmit rus në perëndim.