Kryeministri Edi Rama nuk vonoi t`i pergjigjej akuzave që presidenti i republikës lëshoi ndaj tij në konferencën e radhës për shtyp. “Sa herë Ilir Meta del,flet,bërtet,shan, lajthit,aq herë e bën të qartë se zgjedhja e 25 prillit është një zgjedhje mes Drejtësisë dhe Ilir Metës; çdo votë për LSI është një votë kundër Drejtësisë dhe çdo votë për PD është një votë për Ilirin e Saliun; Luli thjeshtë ha përshesh!”, ishte komenti shpotitës i shefit të ekzekutivit, përplasjet verbale të të cilit ne distancë me kreun e shtetit janë shtuar në këtë periudhë parazgjedhore. Me tonë të ashpra, duke dëshmuar qartazi një humbje të qetësisë, Meta e cilësoi pushtetin aktual si fashist, duke cituar raportet skëterrë të Komisionit te Venecias sic th ai ndërsa hodhi dhe pretendimin se po bëhet gjithçka të provokohet opozita, që të mos hyjë në zgjedhje, ndërsa lëshoi dhe një paralajmërim.. Ky është fashizëm. I kanë hedhur gaz nënave dhe femijëve. Nuk lejon Meta instalimin e një junte…. Le të bërtasë kush të dojë ‘Meta ik’, as nuk shqetësohem fare unë. pse duhet me reagu me dhunë ndaj dikujt që bërtet ‘Meta ik’. Pse i përplasin aktivitetet në të njëjtën kohë e kujt është përgjegjësia? përgjegjësia është e atij që ka edhe Bashkinë, kontrollon edhe policinë. Eksperimente të tilla me grupe paramilitare nuk duhet të ekzistojnë. Sepse do të ketë veprime të paimagjinueshme, për ata që duan të terrorizojnë shqiptarët.