Kryetarja e LSI-së Monika Kryemadhi dhe nënkryetari i kësaj partie, Petrit Vasili, kanë vizituar njësinë numër 5 në Tiranë. Kryemadhi tha se Tirana vuan nga trafiku i tmerrshëm, duke shtuar se për bizneset janë 10-fishuar taksat. Keto duan ndryshim, ka deklaruar kryemadhi, ndaj me voten më 25 prill, duhet të sjellim ndryshimin e shumëpritur. "Nga Shkodra në Kamzë kam ecur për 45 minuta, kurse nga Kamza te Fresku kam ecur për 2 orë e gjysmë. Në Tiranë ka trafik të tmerrshëm. Nuk ka as punë. Taksat janë 10-fishuar për bizneset. Duke votuar më 25 prill, të sjellim ndryshimin e shumëpritur. Rruga e Durrësit, rruga e Kavajës, Myslym Shyri, aty ku të gjitha dyqanet e vogla janë biznese të vogla, apo ato që kanë qiratë e dyqaneve, janë drejt falimentimit, pasi vetë mënyra e infrastrukturës që po e ndërton bashkia, po i orienton që të gjithë qytetarët të shkojnë drejt pikave të mëdha të grumbullimit, që janë qendrat tregtare. Dhe nga ana tjetër janë me mijëra biznese që falimentojnë për shkak se nuk paguajnë dot qiranë apo për shkak të taksave të larta. kryetarja e lsi ka prekur edhe shqetesimin per problemet qe solli pandemine e megjithate sipas saj, paketat ekonomike nuk u vunë fare në funksion. Nuk u dhanë asnjë ndihmë dhe mundësi ekonomike. Dhe pastaj flasim sikur ky popull po buzëqesh. Në fakt kjo nuk është buzëqeshje, por është më shumë maraz që kanë, qesh se nuk qaj dot. Kjo çështja e të dy punësuarit është edhe me ata që kanë dy shtëpia. Në Kombinat kur po takonim banorët, kush ishte problemi? Problemi ishte që dikush ka pasur një apartament të kohës së Partisë së Punës dhe e ka pasur një e kuzhinë. Ndërkohë ka shkuar në emigracion, ka punuar dhe ja ka blerë apartamentit ngjitur edhe komshiut tjetër, që e ka pasur 2 e kuzhinë. Dhe ndërkohë i ka vajtur nga 35 metra katrorë apartament, i ka shkuar 85 metra katrorë. Kur iu prish pallati iu tha, ti nuk ke për të marrë pjesën që ke blerë, ti do marrësh vetë, 1 dhomë e kuzhinën si bonus