Monika Kryemadhi u paraqit këtë të mërkurë në SPAK. Ajo hyri pa avokat në ambientet e prokurorisë së posaçme rreth orës 10. Ende nuk dihet se përse u thirr nga ana e hetuesve, por deputetja e Partisë së Lirisë po verifikohet prej disa kohësh sa I takon pasurisë. Çifti Meta-Kryemadhi po hetihen në lidhje me çështjen e lobimit në SHBA si dhe pë një çështje tjetër atë të ndërhyrjeve estetike. SPAK prej disa kohësh po kryen hetime pas një kallëzimi të bërë nga avokati Idajet Beqiri, për shpenzimet e kryera nga Monika Kryemadhi për disa ndërhyrje estetike jashtë vendit, pagesat e të cilave nuk janë deklaruar. Prokuroria e Posaçme po ashtu po heton rolin e ish presidentit Ilir Meta, bashkëshortit të Monika Kryemadhit, për aferën CEZ-DIA si dhe për kontratat e lobimit me Shtetet e Bashkuara të Amerikës. Ndërkohë më herët Kryemadhi I është sekuestruar dhe një telefon në pronësi të saj por që u gjet në banesën e nënës së deputetes së PL. Verifikime po kryehen edhe për Ilir Metën, Presidentin e Partisë së Lirisë.