Kroçerja më e madhe në botë, “Icon of the Seas” po bëhet gati për të ngritur spirancën dhe të pushtojë detet anembanë botës. Kjo kroçerë mund të mbajë deri në 7600 pasagjerë dhe kushton më shumë se 2 miliardë dollarë. “Icon of the Seas” do të nisë lundrimin në janar të vitit 2024 dhe do të ketë parkun ujor më të madh që gjendet në një kroçerë. Gjithashtu, në të do të ketë më shumë se 40 restorante, bare dhe pub-e. Ajo do të jetë gjithashtu shtëpia e një ujëvare 16 metra të lartë, frymëzuar nga parku i famshëm urban i qytetit të Nju Jorkut. Duke lundruar në udhëtime shtatë netësh rreth Karaibeve nga qyteti i saj port i Miami, megaanija do të hapet për rezervime të martën e ardhshme.