Gjiganti i transmetimit Netflix ka ulur çmimet në më shumë se 30 vende, teksa përpiqet të joshë më shumë abonentë. Çmimet janë ulur në pjesë të Azisë, Europës, Amerikës Latine, Afrikës dhe Lindjes së Mesme. Vendimi vjen pasi rritja e kostos së jetesës ka kushtëzuar familjet të tkurrin shpenzimet e tepërta, si dhe konkurrenca e shtuar e shërbimeve rivale. Vendet në të cilat tarifat e abonimit janë ulur përfshijnë Malajzinë, Indonezinë, Tajlandën, Filipinet, Kroacinë, Venezuelën, Kenian dhe Iranin. Ujet zbatohen për plane të caktuara çmimesh, me tarifat e abonimit që bien përgjysmë në disa raste. Aksionet e NetFlix ranë me 3.4 për qind në bursën e Nju Jorkut pas këtij lajmi.