Kreu i grupit parlamentar të Partisë Socialiste, Taulant Balla shmangu komentet mbi kritikat e mbërritura ditët e fundit nga figura të spikatura të socialistëve. Ai tha se shqetësimet që Elisa Spiropali ka ngritur përmes deklaratave në rrjetet sociale nuk i ka shprehur në mbledhjet e grupit. Balla foli edhe për deklaratën e Petro Koçit. Në lidhje me projektin e Zvernecit, Balla deklaroi se Shqipëria nuk mund të humbasë projekte të rëndësishme zhvillimore dhe se qeveria do të vazhdojë përpara me investimet strategjike, pavarësisht kundërshtimeve politike dhe kritikoi disa episode të protestës, duke thënë se janë shfaqur qëndrime antisemite dhe forma diskriminimi që nuk duhet të kenë vend në debatin publik shqiptar.