Top News/ ‘Krishti lind nën rrënoja’ në Betlehem / Krishtlindja, Papa: Të kujdesemi për të tjerët

Të krishterët në të gjithë botën po përgatiten për festën e madhe të krishtlindjes...ashtu si edhe të krishterët në shqipëri. Atmosferë festive mbizotëron prej ditësh tashmë në Tiranë dhe qytete të tjera të vendit, ndërsa besimtarët përgatiten për meshën e mesnatës dhe tryezën festive, duke celebruar lindjen e Jezu Krishtit. Por këtë vit, në qytetin që tradicionalisht konsiderohet vendlindja e Jezusit, toni i festës është ulur. Nuk do të ketë festime, as dekorime në Betlehem...me luftën në Gaza që vazhdon, ky qytet ka ndaluar ceremonitë festive. Në solidaritet me palestinezët në Gaza, Betlehemi ka zgjedhur që në vendin e pemës së dekoruar të krishtlindjes, të vendosë një vepër arti të quajtur Krishti lindi nën rrënoja.