Suedia po ecën përpara me planet për të ulur moshën e përgjegjësisë penale nga 15 në 13 vjeç në raste të rënda, ndërsa përballet me një numër në rritje të fëmijëve të rekrutuar në bandat për të kryer krime dhe të mos ndëshkohen.Ministri i Drejtësisë, GunnarStrommer, tha se vendi ishte në një "situatë emergjente" dhe ndalimi i përdorimit të fëmijëve në rrjetet kriminale ishte një "detyrë thelbësore" për qeverinë.Por disa autoritete, përfshirë policinë, zyrtarët e burgjeve dhe prokurorët, e kanë kundërshtuar planin, me disa të shqetësuar se kjo mund të çojë në faktin që edhe fëmijët më të vegjël të bëhen shkelës të ligjit.Nëse miratohet, legjislacioni do të hyjë në fuqi që në verën e këtij viti.Strommer këmbënguli se propozimi nuk përbënte një "ulje të përgjithshme të moshës së përgjegjësisë penale" dhe do të zbatohej vetëm për "krimet më të rënda" siç janë vrasja, tentativa për vrasje, shpërthimet e rënduara, veprat penale me armë dhe përdhunimi. Sipas propozimit, disa nga këta shkelës mund të përballen me dënime me burg në raste të caktuara.Të dhënat nga Këshilli Kombëtar Suedez për Parandalimin e Krimit tregojnë se numri i veprave penale të regjistruara të lidhura me të dyshuar nën moshën 15 vjeç është dyfishuar gjatë dekadës së fundit.Qeveria aktuale erdhi në pushtet në vitin 2022 duke u zotuar të godasë krimin e organizuar.