5 vjet më parë rezultonte person në kërkim dhe me rrezikshmëri të lartë, por ndërkohë dosja e krimit të tij ka mbërritur në Tiranë për njehsimin e vendimit dhe mundësinë e vuajtjes së dënimit në Shqipëri për Blenis Shytin I dënuar me burgim të pëjetshëm studenti shqiptar rezulton si një prej shqiptarëve që ka kryer krimin më të rëndë ndër vite në Rumani. Zhdukja në rrethana të dyshimta e një familjeje të tërë më 29 shtator 2004 dhe më pas gjetja e tyre të varrosur në vende të ndryshme, trazoi dhe la gjurmë të rënda në memorien e qytetit të qetë Mangalia në Rumani. Viktimat, dy bashkëshortët, Aleksandër dhe Lukrezia Ion, së bashku me vajzën e tyre tetë vjeçare Amalia u masakruan nga student shqiptar dhe nga dy shtetas të tjerë, njëri prej të cilëve rumun. Viktimat e krimit makabër të studentit shqiptar ishin kthyer nga emigrimi në Gjermani por fqinjët, filluan të shqetësohen për mungesën e tyre. Për këtë fakt u lajmërua edhe policia e Kostancës, e cila nisi kërkimet dhe hetimin për të zbardhur të vërtetën. Hetimin pas këtij konstatimi e mori në duar sektori i krimit të organizuar i policisë së Kostancës, i cili pas rreth tre muajsh kërkimi dhe investigimi intensiv, arrin të bjerë në gjurmët e personave të dyshuar si autorë të masakrës. Ata ishin Blenis Shyti, 21 vjeç, student në Fakultetin e Ekonomisë në Universitetin "Ovidius" të Kostancës, Albin Todri 19 vjeç, i cili vazhdon shkollën e mesme në Kostancë, të dy shqiptarë, dhe rumuni, Stefan Nikulesku, i cili ishte edhe nipi i viktimës, Aleksandër Ion. Pas ndalimit të tyre u arrit të zbardhej gjithë skema tragjike e zhdukjes së familjes Ion.