Në Shqipëri, liria e shtypit dhe pavarësia e medias vijojnë të kërcënohen nga konfliktet e interesit midis botës së biznesit dhe asaj politike, evidenton Indeksi Botëror I Lirisë së Shtypit të Reporterëve pa Kufij, qe e quan kuadrin ligjor ende të mangët. Ndërsa e renditin Shqipërinë të 83-tën nga 180 vendet në total. Një përkeqësim pasi vitin e kaluar, sa I takon lirisë së shtypit Shqipëria renditej e 80-ta. Gazetarët, sipas Reporterëve pa Kufij, janë viktima të akteve të frikësimit nga politikanët por dhe krimi i organizuar. Presioni më I madh është kryesisht gjatë periudhës së zgjedhjeve. “Politikanët kufizojnë pavarësinë editoriale duke politizuar rregullatorët e medias dhe duke emëruar ata që janë përgjegjës për median publike. Gazetarët kritikë ndaj autoriteteve shpesh i nënshtrohen sulmeve të dizajnuara për t'i diskredituar ata si nga qeveria ashtu edhe nga opozita, dhe ata kanë vështirësi në marrjen e informacionit shtetëror, qasja në të cilin mund të jetë edhe më e kufizuar nga një centralizim i kohëve të fundit i komunikimeve qeveritare.”, evidenton indeksi I Reporterëve pa Kufij ndërsa ngre si shqetësim mbulimin e çështjeve me interes të lartë public si dhe mbylljen e TikTok në vitin 2025. “Gazetarët që hetojnë krimin dhe korrupsionin janë veçanërisht objektiva të kërcënimeve.”, evidentojnë Reporterët pa Kufij. Rrezik për gazetarët mbeten edhe potestat ku shpesh gazetarët janë përballur me akte dhune. Sipas këtij indeksi, krimi i organizuar përfaqëson një nga kërcënimet më të mëdha për sigurinë e gazetarëve. “Edhe pse policia kohët e fundit ndërmori hapa për të hetuar sulmet kundër gazetarëve, pandëshkueshmëria për këto krime, e kombinuar me përpjekjet politike për të diskredituar gazetarët, ka krijuar një klimë që ka të ngjarë të inkurajojë sulme të mëtejshme. Në mars të vitit 2023, selia e Top Channel ishte shënjestër e një sulmi të paprecedentë me armë automatike që vrau një nga rojet e saj të sigurisë.”, evidenton indeksi i Reporterëve pa Kufij.