Dhuna seksuale ndaj fëmijëve ka rikthyer në skenë diskutimet e forta, për të cilat kërkohet një ndërhyrje urgjente edhe nga ligjvënësit. Organizatat në mbrojtje të fëmijëve kërkojnë miratimin sa më parë të Projekt-ligjit për “Regjistrin Kombëtar të të dënunarve për krime seksuale”. Rreth 2 muaj më parë, deputetja Fatjona Dhimitri, i drejtoi Kuvendit të Shqipërisë kërkesën zyrtare për marrjen në shqyrtim dhe miratimin e këtij projekt-ligji. Ndërkaq Kuvendi i Shqipërisë, prej 3 javësh tashmë ka përfshirë në kalendarin e tij, pikërisht diskutimin e projekt-ligjit për të dënnuarit seksualë. Shqipëria duket se po shënon përditshëm, viktima fëmijë dhe adoleshentë të dhunës seksuale. Rasti më i fundit i shënuar në Rrëshen, në të cilin pretendohet se 5 persona kanë kërcënuar dhe më pas dhununar seksualisht vajzën e mitur, është një alarm.