Zëdhënësi i Kremlinit, Dmitry Peskov, tha të premten se negociatat për statusin e Krimesë ose territoreve të tjera ruse as nuk mund të diskutohen. Sipas zyrtarit rus, Kievi nuk është i gatshëm dhe është i paaftë për të zgjidhur çështjen pa përdorur metoda ushtarake. "Negocimi për Krimenë është jashtë diskutimit," tha Peskov para gazetarëve. Presidenti ukrainas, Volodimir Zelenski, ka thënë në vazhdimësi se synon të kthejë nën kontrollin e kievit të gjitha territoret ukrainase të marra nga moska, përfshirë këtu edhe Krimenë. Ai ka folur së fundmi edhe për përdorimin e mjeteve jo ushtarake për ta kthyer krimenë në duar ukrainase dhe tha se fusha e betejës është rruga e vetme kur nuk funksionon diplomacia. Peskov më herët tha se liderët e Ukrainës do të mund ti jepnin fund vuajtjeve të popullatës lokale në një mënyrë shumë të thjeshtë: duke përmbushur kërkesat e rusisë për fundin e luftës që Moska e nisi më 24 shkurt.