Një krim i rëndë në familje tronditi kryeqytetin, ku një grua është vrarë me thikë nga motra e saj. 37 vjeçarja Armanda Pushani, u gjet pajetë nga forcat e policisë në banesën e saj në rrugën Hajdar Hidri, të cilët u njoftuan nga familjarët se vajza nuk ndihej mirë. Kur forcat e policisë shkuan në vendngjarje dhe gjetën gruan e pajetë, paraprakisht u informuan nga familjarët se bëhej fjalë për një vdekje natyrale, por në fakt hetimet zbuluan se viktima kishte një plagë në zonën e stomakut që ishte shkaktuar nga një person tjetër. Pasi familjarët u morën në pyetje, u zbulua se 37 vjeçarja ishte qëlluar me thikë nga motra e saj 40 vjeçare Marsel Pushani pas një sherri për motuve që ende nuk dihen. Motrat dyshohet se kanë pasur nje përleshje mes tyre për motive banale sepse viktima raportohet se ishte e alkoolizuar dhe bëhej agresive.