Prangosja e Ardian Capjas është vazhdë e një historie të nisur me ekzekutimin e vëllait të tij, Sokolit 26 dhjetorin e vitit 2005. Tre persona të armatosur e të maskuar hynë në lokalin pranë Universitetit të Elbasanit ku ai ndodhej në ato momente, dhe qëlluan disa herë me pistolera e automatik tip “Skorpion”, pasi i kishin kërkuar më parë personave të tjerë aty të shtriheshin në tokë. Policia identifikoi asokohe si autorë të atentatit Dritan Shemen, Armando Hasanin dhe Ardian Metën, emri tjetër me të cilin njihej Gentian Neziri. Ky i fundit u kap nga policia teksa tentonte arratiosjen në greqi, dhe gjatë operacionit mbeti i plagosur. . Pas kapjes së Metës, vritet në Tiranë ne rrethana të mistershme edhe Dritan Sheme. Sokol capja kishte pasur një konflikt me Fadil Memën, që ka qenë shef i qarkullimit në Elbasan. Familja akuzoi nipat e Memës se kishin organizuar ekzekutimin e tij, dhe në 2021-tën, vrasja e Beqirit ishte pikërisht një hakmarrje e mbetur në pritje. Mema u qëllua për vdekje në mars te 2015-tes dhe shkurtin e një viti më vonë vriten Artan Çapja, Eno Bedalli dhe Ardit Sinakoli. Vetë Ardian Capja i prangosur sot, i shpëtoi për të tretën herë një atentati ndaj jetës së tij qershorin e 2020-tës, por mbeti i plagosur. Gushin e 2017-tës kishin tentuar po ashtu ta vrisnin me një predhë që nuk shpërtheu.