Bardh Lula alias Bardhyl Luli është ekstraduar nga Milano për në Shqipëri, pasi 31 vitesh që qëndronte në arrati. Ky shtetas është future dhe ka qëndruar në Itali, ndërkohë që kërkohej nga autoritetet në Shqipëri, për vrasje të trefishtë, në vitin 1993, në Torovicë. Bardh Lula, 54 vjecc u lokalizua si rezultat i informacionit të siguruar nga Policia e Shtetit, për vendndodhjen e tij, dhe shkëmbimit të tij ndërmjet Interpol Tiranës dhe Interpol Romës si dhe i verifikimeve të kryera në bashkëpunim me Policinë e Lezhës. Bëhet me dije se Kolegji Penal i Gjykatës së Lartë e ka dënuar këtë shtetas me 25 vjet burgim, pasi më datë 12.06.1993, në vendin e quajtur “Kroi i Denicës”, Torovicë, ka vrarë 3 shtetas. Nga hetimet e kryera nga Policia e Shtetit dhe Policia italiane, rezultoi se shtetasi Bardh Lula alias Bardhyl Luli, që në vitin 1993, kishte hyrë dhe qëndronte në Itali, me dokumente false. Ai iu dorëzua Drejtorisë së Përgjithshme të Burgjeve, për kryerjen e veprimeve të tjera.