Elita e Kremlinit i ka kërkuar presidentit Vladimir Putin të largohet nga pushteti në mënyë paqesore dhe t’I hapë rrugën një udheheqësi të ri. Lajmi bëhet me dije nga gazeta ruse Meduza, e cila raporton se brenda tre muajve Putin arriti të kthejë kundër tij si "partinë e luftës" dhe ata që duan paqe. Kremlini shpreson se "në të ardhmen e parashikueshme" ai do të largohet dhe do të zgjedhë një pasardhës. Burime për faqen ruse pohojnë gjithashtu se çështja e “pasardhësit të Putinit” po diskutohet gjithnjë e më shpesh në nivelet më të larta të pushtetit. Nuk flitet për ndonjë komplot kundër presidentit, “por ka një mirëkuptim që Putin të mos e drejtojë më Rusinë në të ardhmen e afërt”, thekson gazeta. Midis emrave që diskutohen, për të cilët disa zyrtarë thonë se mund të "pajtohen me Perëndimin", janë kryetari i bashkisë së Moskës Sergei Sobyanin, ish-kryeministri rus Dmitri Medvedev I njohur si krahu I djathtë i Putin dhe zëvendëskryetari Sergei Kiriyenko.